Жамбыл облысында «Бастау» жобасы онлайн режимде басталады
10 маусымнан бастап «Бастау» жобасы аясында кәсіпкерлік жүргізу негіздеріне арналған оқытудың тегін курстары басталатын болады.
Биылғы жылы қабылданған карантиндік шараларды ескере отырып, "Atameken Academy" онлайн платформасы арқылы қашықтықтан онлайн-оқыту қарастырылған.
Халықты жұмыспен қамту орталықтарында тіркелген-тіркелмегеніне қарамастан жұмыссыз адамдар, Қазақстан Республикасының Үкіметі айқындайтын жұмыспен қамтылған адамдардың жекелеген санаттары оқыту қатысушылары болып табылады, оның ішінде:
- ауылдық елді мекендерде, қалаларда, оның ішінде моно және кіші қалаларда тұратын адамдар;
- мүгедектер, егер медициналық қорытынды бойынша денсаулығы еңбек міндеттерін орындауға кедергі келтірмесе не олардың денсаулығына және (немесе) басқа адамдардың еңбек қауіпсіздігіне зиян келтірмесе;
- зейнеткерлік жасқа жетпеген елу жастан асқан адамдар;
- сондай-ақ NEET санатындағы жастар;
- табысы аз және/немесе көпбалалы отбасылардың мүшелері;
- ауыл шаруашылығы кооперативтері және олардың "Қазақстан Республикасында зейнетақымен қамсыздандыру туралы" Қазақстан Республикасы Заңының 11-бабының 1-тармағында белгіленген зейнеткерлік жасқа жетпеген мүшелері;
- қоныс аударушылар және оралмандар.
Оқу мерзімі 21 күннен аспайды. Бағдарлама қатысушыларына сертификат беріледі.
Жоба шеңберінде онлайн-оқыту үшін қатысушылар халықты жұмыспен қамту орталықтарына жеке басын куәландыратын құжаттың көшірмесін қоса бере отырып, оқудан өту туралы өтінішпен жүгінуі тиіс. Халықты жұмыспен қамту орталықтары үміткердің мәртебесін жобаның нысаналы тобына сәйкестігі расталған жағдайда оқуға жолдама береді.
Өтініш беруші "Атамекен" ӨКП - не немесе оның аудандық және қалалық филиалдарына оны оқудан өту үшін топқа қабылдауды өтінеді.
Сонымен қатар, үміткер өз бетінше сілтеме бойынша онлайн-өтінімді қалыптастыра алады https://atameken.co/ru/course-bastau жеке басын куәландыратын құжаттың көшірмесін және халықты жұмыспен қамту орталығынан жолдаманы жүктеумен.
Оқытудың нақты орны мен уақыты туралы толық ақпарат алу үшін Жамбыл облысының аудандары мен қалаларындағы кәсіпкерлерге қызмет көрсету орталықтарына хабарласу қажет.
Аудан орталықтары мен қалалары:
1. Тараз қ, Толе би к-сі, 93 А, тел. 8(7262) 56-84-75, 56-84-68.
2. Байзақ ауданы, Сарыкемер ауылы, Байзақ Батыр к-сі, 105. тел: 8(72637) 2-26-60
3. Жамбыл ауданы, Аса ауылы, Абай к-сі, 26, тел: 8(72633) 2-18-24
4. Жуалы ауданы, Б.Момышұлы ауылы, Латикана к-сі, 1. тел: 8(72635) 2-03-31
5. Кордай ауданы, Кордай ауылы, Байдібек к-сі, 148 А, тел: 8(72636) 4-92-40
6. Меркі ауданы, Меркі ауылы, Исмаилов к-сі, 182 Б тел: 8(72632)4-40-91
7. Мойынқұм ауданы, Мойынқұм ауылы, Б.Омаров к-сі, 11. тел: 8(72642)2-14-55
8. Т. Рысқұлов ауданы, Құлан ауылы, Жибек-Жолы к-сі, 73. тел: 8(72631)2-24-44
9. Шу ауданы, Шу қаласы, Қонаев к-сі 24 А, тел: 8 (72643)7-00-34
10. Сарысу ауданы, Жанатас қаласы, 1 мөлтек., 18 үй. тел: 8(726 34)6-12-79
11. Талас ауданы, Қаратау қаласы, Шейна к-сі, 16/3, тел: 8(72644)6-05-92
Пікір қалдыру:
Пікірлер: