Жамбыл облысының кәсіпкерлер палатасы менеджер-кеңесші іздейді
Жамбыл облысының кәсіпкерлер палатасы 2021-2025 жылдарға арналған кәсіпкерлікті дамыту жөніндегі Ұлттық жоба шеңберінде «Мен-Кәсіпкер» құралы бойынша ШОБ (шағын орта бизнес) субъектілеріне және кәсіпкерлік бастамасы бар жеке тұлғаларға қызметтер көрсету үшін Жамбыл облысындағы әйелдер кәсіпкерлігін дамыту Орталығына (бұдан әрі – Орталық) менеджер-кеңесшісі ретінде жұмыс істеу үшін Қазақстан Республикасы азаматтарынан өтінімдерді іріктеуді жүргізудің басталғаны туралы хабарлайды:
Міндеттері:
- Көрсетілетін қызметті алушылардың қажеттіліктерінің сипатын зерделеу және «Мен-Кәсіпкер» жобасы шеңберінде қажетті көмекті көрсету;
- Кәсіпкер әйелдердің тәлімгерге деген қажеттіліктерін анықтау, орталық аппаратқа өтінімді қалыптастыру және жолдау;
- Кеңес беру, орталықтарға жүгінетін көрсетілетін қызметті алушылардың неғұрлым өзекті проблемалары мен қажеттіліктерін анықтау және олардың сұрауын қалыптастыру. Өтініштер мен мәліметтер базасын жүргізу;
- Кәсіпкерлердің оқу қажеттіліктерін анықтау, оқыту тақырыптары бойынша сұраныстарды жинау және жинақтау, оқуға өтінімдерді қалыптастыру және ОА-ға өтінімдерді жіберу;
- «Бір ауыл-бір өнім» жобасын іске асыруға көмек көрсету, Бренд-комитеттердің жұмысына қатысу;
- Материалдарды (ақпараттық мақалаларды, посттарды, анықтамаларды және өзге де материалдарды)дайындау;
- Есептерді жүргізу және ұсыну;
- Қызметтерді сатып алуға жәрдемдесу.
Іріктеуге қатысушыларға қойылатын талаптар:
- Құқықтық немесе экономикалық жоғарғы білімнің болуы;
- Кәсіпкерлікті қолдау және/немесе консультациялық қызметтер көрсету саласында және/немесе мемлекеттік бағдарламаларды іске асыру саласында кемінде 1 (бір) жыл жұмыс тәжірибесінің болуы;
- Нормативтік құқықтық актілерді (ҚР Кәсіпкерлік Кодексі, «Қазақстан Республикасының Ұлттық Кәсіпкерлер палатасы туралы» ҚР Заңы және т. б.), сондай-ақ кәсіпкерлік қызметті реттейтін нормативтік құқықтық актілерді білу;
- Бизнесті қолдау саласындағы мемлекеттік бағдарламаларды және оларды іске асыру;
- Сатып алуды жүзеге асыру тәртібін білу;
- Мемлекеттік және орыс тілдерін меңгеру, іскерлік хат алмасу және келіссөздер жүргізу;
- Дербес компьютермен толық жұмыс жасай білу, Internet, Microsoft Office – Word тәжірибелі пайдаланушысы; міндетті: сенімді Excel пайдаланушысы (Жиынтық кестелер, формулалар, сүзгілер, графиктер, диаграммалар);
- Facebook, Instagram, «WhatsApp Messenger», «Telegram Messenger» әлеуметтік желілері мен мобильді қосымшаларын белсенді пайдалану;
Іріктеуге қатысушылардың артықшылықтары: әйелдер қауымдастықтарында және үкіметтік емес ұйымдарда жұмыс тәжірибесінің болуы, іс-шараларды, форумдар мен конференцияларды ұйымдастыруда жұмыс істеу дағдылары, әлеуметтік желілер маркетингінде (SMM) тәжірибенің болуы.
Қажетті құжаттар тізімі:
* жеке куәліктің көшірмесі;
* 2-Қосымшаға сәйкес нысан бойынша менеджер-кеңесшісі ретінде іріктеуге қатысуға өтінім;
* «2021-2025 жылдарға арналған кәсіпкерлікті дамыту жөніндегі Ұлттық жоба» шеңберінде менеджер-кеңесшісін іріктеу тәртібіне 3-Қосымшаға сәйкес нысан бойынша ізденушінің сауалнамасы;
* еңбек қызметін растайтын құжаттың көшірмесі (еңбек кітапшасы/еңбек шарты және/немесе техникалық ерекшелігі бар өтеулі қызмет көрсету шарты;
* білім туралы дипломның көшірмесі;
Өтінім нысанын, сауалнаманы және іріктеуге қатысу шарттарын (қаржылық емес қолдау шаралары туралы Ережеге сәйкес) Жамбыл облысы Кәсіпкерлер Палатасының кеңсесінде мына мекенжай бойынша алуға болады: Тараз қ., Төле би 93А, 2-қабат немесе m.azhmagambetova@atameken.kz электрондық поштасына жіберуге болады.
ӨКП-дағы байланыс тұлғасы: Ажмағамбетова Майя Тұрарқызы - 8 (7262) 555 904.
Өтінімдер 2023 жылғы 21 ақпан сағат 18.00-ге дейін қабылданады.
Пікір қалдыру:
Пікірлер: